ساڈے ول سوہنیا نگاہواں کدوں ہونیاں
دسو منظور ایہہ دعاواں کدوں ہونیاں
اک اک ذرے وچ رکھیاں شفاواں نیں
بوسے تیرے قدماں نوں دتے جنہاں راہواں نیں
ساڈے نصیباں وچ او راہواں کدوں ہونیاں
ساڈے ول سوہنیا نگاہواں کدوں ہونیاں
رو رو ساری عمر جدائیاں وچ گزاری اے
ہن ساڈی زندگی دی شام ہون والی اے
ہجر دے بیماراں نوں شفاواں کدوں ہونیاں
ساڈے ول سوہنیا نگاہواں کدوں ہونیاں
دسو منظور ایہہ دعاواں کدوں ہونیاں
تیکھیاں جدائیاں دیاں دُھپاں دل ساڑھیا
اینی گل دس دے خدائی دیا لاڑھیا
دُھپاں کدوں مُکنیاں تے چھاواں کدوں ہونیاں
ساڈے ول سوہنیا نگاہواں کدوں ہونیاں
آقا ایہو صدراں نیں سینے وچ پا لیاں
ویکھاں گا میں جا کے کدوں روضے دیاں جالیاں
سجن اتے تیریاں عطاواں کدوں ہونیاں
ساڈے ول سوہنیا نگاہواں کدوں ہونیاں
