Koi saleeqa hai arzoo ka ye sab tumhara karam hai aaqa lyrics 250

یہ سب تمہارا کرم ہے آقا کہ بات اب تک بنی ہوئی ہے

یہ سب تمہارا کرم ہے آقا کہ بات اب تک بنی ہوئی ہے
کوئی سلیقہ ہے آرزو کا نہ بندگی میری بندگی ہے
یہ سب تمہارا کرم ہے آقا کہ بات اب تک بنی ہوئی ہے
کسی کا احسان کیوں اٹھائیں کسی کو حالات کیوں بتائیں
تمہی سے مانگیں گے تم ہی دو گے تمہارے در سے ہی لو لگی ہے
یہ سب تمہارا کرم ہے آقا

عطا کیا مجھ کو دردِ الفت کہاں تھی اس پرخطا کی قسمت
میں اس کرم کے کہاں تھا قابل حضور کی بندہ پروری ہے
یہ سب تمہارا کرم ہے آقا
شعور و فکر و نظر کے دعوے حدِ تعین سے بڑھ نہ پائے
نہ چھو سکے ان بلندیوں کو جہاں مقام ِ محمدی ہے
یہ سب تمہارا کرم ہے آقا

تجلیوں کے کفیل تم ہو مرادِ قلبِ خلیل تم ہو
خدا کی روشن دلیل تم ہو یہ سب تمہاری ہی روشنی ہے
یہ سب تمہارا کرم ہے آقا
بشیر کہیے نذیر کہیے انہیں سراجِ منیر کہیے
جو سر بسر ہے کلامِ ربی وہ میرے آقا کی زندگی ہے
یہ سب تمہارا کرم ہے آقا

عمل کی میرے اساس کیا ہے بجز ندامت کے پاس کیا ہے
رہے سلامت تمہاری نسبت میرا تو اک آسرا یہی ہے
یہ سب تمہارا کرم ہے آقا
ہے کعبہ بھی مرجا ِ خلائق بہت نمایاں ہیں یہ حقائق
مگر جو مقصودِ عاشقی ہے حضور کے در کی حاضری ہے
یہ سب تمہارا کرم ہے آقا

یہی ہے خالد اساسِ رحمت یہی ہے خالد بنائے عظمت
نبی کا عرفان زندگی ہے نبی کا عرفان بندگی ہے
یہ سب تمہارا کرم ہے آقا کہ بات اب تک بنی ہوئی ہے
یہ سب تمہارا کرم ہے آقا

پوسٹ کو شیئر کریں۔۔