Kaliyan zulfan wala dukhi dilan da lyrics 215

کالیاں زلفاں والا دکھی دلاں دا سہارا

کالیاں زلفاں والا دکھی دلاں دا سہارا
قسم خدا دی مینوں سب نالوں پیارا
دساں کیویں مصطفی ﷺ دی کیڈی سوہنی شان اے
آپ دی تعریف وچ سارا ہی قرآن اے


پڑھ کے تو ویکھ جیہڑا مرضی سِپارہ
قسم خدا دی مینوں سب نالوں پیارا
کر کے اشارہ سوہنا سورج نوں موڑدا
آپے چن توڑدا تے آپے چن جوڑدا


بگڑی بناوے میرے نبی ﷺ دا اشارہ
قسم خدا دی مینوں سب نالوں پیارا
ایڈا سوہنا نبی کوئی دنیا تے آیا نہیں
یار ایہو جیہا کوئی رب نے بنایا نہیں


دید میرے نبیﷺ دی ہے رب دا نظارہ
قسم خدا دی مینوں سب نالوں پیارا
دیندے نیں گواہی ذرے ذرے کوہِ طور دے
ویکھدے نصیباں والے جلوے حضور ﷺ دے


آمنہ دا چن تے حلیمہ دا دلارا
قسم خدا دی مینوں سب نالوں پیارا
کالیاں زلفاں والا دکھی دلاں دا سہارا
قسم خدا دی مینوں سب نالوں پیارا

پوسٹ کو شیئر کریں۔۔